“Qeveria do marrë të menjëhershme që të shkrijë disa struktura të policisë bashkiake që janë shndërruar në një rrezik publik”. Deklarata e fortë u bë në një dalje për mediat nga ministri i Brendshëm Sadnër Lleshaj në vazhdën e trazirave në disa nga KZAZ e vendit.
Lleshaj ka akuzuar opozitën lidhur me trazirat, edhe pse në këtë rast është policia ajo që nuk po zbaton dekretin e Presidentit Ilir Meta për zgjedhjet. Gjatë deklaratës së tij, Lleshaj paralajmëroi se do ketë edhe arrestime për ata që kërkojnë zbatimin e dekretit për zgjedhjet.
Tensione janë shënuar dje dhe kanë ardhur në rritje ditën e sotme në disa nga KZAZ e vendit. Nga bashkitë e opozitës është kërkuar lirimi i institucioneve që përdoren në kuadër të zgjedhjeve lokale të 30 qershorin, me argumentin se kjo datë është rrëzuar me dekretin e Presidentit Ilir Meta. Ndërkohë, KQZ, që ka mbështetjen e policisë, e quan anti-kushtetues vendimin e Metës. Forca policore janë vendosur në KZAZ dhe janë përplasur me qytetarët dhe punonjës së bashkive që kërkojnë lirimin e këtyre institucioneve nga materialet zgjedhore në zbatim të dekretit të Presidentit. /BN/
