Situata ka vijuar të përkeqësohet gjatë ditëve të fundit, ku në të gjithë vendin qytetarët po protestojnë dhe nga ana tjetër policia që arreston qytetarë dhe zyrtarë të lartë të PD.
Lidhur me këtë situatë ka reaguar edhe gazetari i gazetës gjermane “Bild”, Peter Tiede, tashmë i njohur për shqiptarët pas përgjimeve të publikuara, ka reaguar për situatën politike në Shqipëri dhe konkretisht për përplasjet e fundit në disa KZAZ.
Ai hedh akuza të forta në drejtim të kryeministrit Edi Rama, ndërsa qeverisjen e tij e krahason me pushtetin e Vladimir Putin dhe Rexhep Taip Erdogan. Gazetari shprehet se urdhrat për arrestimin e përfaqësuesve të opozitës janë lëshuar nga qeveria socialiste.
“Shqipëria tani nën ligjin e Putinit dhe Erdoganit: Arrestimi i udhëheqësve të opozitës u urdhërua nga qeveria socialiste. Në mbarë vendin ka trazira dhe sulme. Në të dy anët të plagosur. Kjo nuk është e mirë”-shkruan ai.
