“E kishte mirë xha Kamberi, Kamber Aliko, kur thoshte : eh more djema, është bërë shkopi me mut në të dy krahët!”, kështu shkruan pak minuta më parë në llogarinë e tij në rrjetet sociale Shpëtim Gjika, ish-kryetar i Bashkisë së Vlorës, dhe pjesë e strukturave drejtuese të PS-së.
Gjika ka preferuar që të zgjedhë fjalën e një të moshuari për të thënë se socialistët e thjeshtë e kanë kuptuar se drejtuesit e tyre janë përfshirë në një situatë aspak normale.
Në këtë mënyrë ish-kryebashkiaku bëhet një nga socialistët e parë që mban një qëndrim publik të tillë në drejtim të kryeministrit Rama, mbi të cilin është shtuar ndjeshëm presioni dhe nga mediat e huaja.
Në bllok të gjithë i konsiderojnë të papranueshme bisedat që zyrtarë të PS-së bëjnë për blerjen e votave në Dibër, mirëpo eksponentë të ndryshëm të qeverisë i kanë konsiuderuar këto biseda normale që ndodhin rëndom.
