Shtetet e Bashkimit Europian ishin të pranishme të hënën për fillimin e bisedimeve me Shqipërinë dhe Maqedoninë e Veriut lidhur me çeljen e negociatave për tu bërë pjesë e bashkimit, ndërkohë që Qiproja kërcënoi se të vendosë veton ndaj çdo marrëveshjeje për zgjerimin e ardhshëm me vendet nga Ballkani, përveç nëse BE e forcon linjën e saj për shpimin e Turqisë, raportoi Reuters.
Ministrat e BE nga 28 shtetet e bllokut u takuan në Luksemburg të martën për të diskutuar fillimin e negociatave formale të anëtarësimit me të dy vendet e Ballkanit një vit pasi Franca dhe Holanda e bllokuan atë, duke kërkuar më shumë reforma nga frika e shqetësimit të parlamenteve dhe votuesëve të tyre në vendet dhe partitë respektive.
Maqedonia e Veriut që prej asaj kohe ka nënshkruar një marrëveshje të rëndësishme me Greqinë e BE-së, duke i dhënë fund një mosmarrëveshjeje të emrit prej dhjetëvjeçarësh dhe duke bërë që një duzinë shtetesh të BE të bëjnë publike thirrjen për shpërblimin e Shkupit.
Në rrezik është edhe besueshmëria e BE-së dhe vullneti i bllokut për të vepruar kundër asaj që e sheh si një ndikim në rritje të Rusisë dhe fuqive të tjera të huaja në rajon, ende të goditura nga luftërat përgjatë linjave fetare dhe etnike në vitet 1990.
Por, diplomatët kombëtarë që përgatitën takimin e së martës nuk arritën të arrijnë një marrëveshje mbi një deklaratë të përbashkët ligjore, e cila ka nevojë për mbështetjen unanime të të gjitha shteteve të BE-së që të miratohen. “Ka pasur një mosmarrëveshje masive dhe nuk është aspak e sigurt se nesër ministrat do të jenë në gjendje të gjejnë një marrëveshje”, tha një diplomat i BE.
Në fkat mosmarrëveshjet më të mëdha kanë lindur teksa analizohej pjesa e fundit e draftit, aty ku do të thoshte se zgjerimi do të varet gjithashtu nga aftësia e BE-së për të reformuar veten dhe për të integruar në mënyrë efektive çdo anëtar të ri.
Sipas burimeve për Reuters, drafti që do të bëhet gati të zyrtarizohet gjatë mbrëmjes së sotme, do të shtyjë çdo vendim mbi Maqedoninë e Veriut dhe Shqipërinë deri në tetor dhe pasi parlamenti gjerman të shqyrtojë çështjen.
Nga Reuters
