Ditë ankthi po përjetohen në Korçë rreth vendimit të Gjykatës së Arbitrazhit Sportiv (CAS) se çdo të bëhet me klubin e tyre të qytetit për dënimin 10-vjeçar nga UEFA.
Përmes një postimi në FACEBOOK, klubi i Skënderbeut ka përgënjeshtruar të gjitha lajmet që po qarkullojnë këto ditë në media dhe se i vetmi informacion që kanë nga UEFA është se do të njihet me vendimin në datë 21 qershor.
Postimi i plotë:
Duke marrë shkas nga lajmet e përhapura në lidhje me vendimin e CAS, klubi bën me dije se çdo lajm i publikuar në median e shkruar dhe online është i pavartetë.
Në korespodencën e fundit mes palëve, klubi është njoftuar se do të njihet me vendimin në datë 21 qershor. Ky është i vetmi informacion që disponon klubi në lidhje me çështjen. Çdo lloj lajmi tjetër është aludim…
Lutemi të prisni me qetësi datën 21 qershor dhe njoftimin zyrtar nga klubi në lidhje me vendimin.
Me respekt,
KF Skënderbeu