Përgjimet e Bild/ Ish-deputeti: Ja si e ndoqa Arben Keshin për t’i kapur thasët me para…

Flamur Noka, ish-deputet i PD-së, i cili ka drejtuar fushatën e PD-së në Dibër, ka treguar përplasjen me Arben Keshin, personin që shfaqet në përgjimet e publikuara nga Bild.

I ftuar në “5 pyetje nga Ilir Babaramo”, Noka tha se donte që të kapte Keshin me thasët me para, pasi kishte informacione se shpërndaheshin lekë në fushatë nga PS.
“Kishim informacione nga banorë të zonës nga qytetarë të Maqellarës, çdo ditë që intimitoheshin dhe kërcënoheshin nga ky Arben Keshi, shefi i komisariatit Robert Ago, kush nuk pranonte blerjen, ishin dy persona, zyrtarë të lartë të shtetit, i vërtetojnë përgjimet.

Ju dëgjoni Arben Keshin, por është edhe Ago, që kishte shkuar derë më derë dhe paguanin para dhe kush nuk pranonte këta e kërcënonin.

Kam pasur atë ditë disa qytetarë me vete dhe doja ti ballafaqoja pse i kërcënoni? Ata kërkonin që ti ballafaqonim pasi u kërcënuan nga këta dy persona.

LEXO EDHE  FOTO/ Konviktet e Mjekësisë të pabanueshme nga tërmeti, si mashtroi Erion Veliaj

Dhe unë isha i detyruar ti kontaktoj. Kisha një informacion se thasët me para i kishte në makinë dhe e pranon edhe vetë ai se iku për dy minuta, se mund ta kishim kapur me thasët me parë.

Kishte mes banorëve dhe njërit prej ushtarëve të këtyre që merrej me shit blerjen e votave. Incident normal sikur ndodh në fushatë. Isha dëshmitar i kësaj maskarade.
Atë ditë dolëm se kishim informacion se kishte thasë me para. Më pas shefi i komisariatit u gradua, ndërsa për këtë Keshin nuk kam informacion.

Në përgjime të tjera del se këta të dy kishin të gjithë zonën në patronazh për kanabisin”, thotë ai.