Artisti Mishel Kocciu përmes një postimi në rrjet shkruan se krimin elektoral është nona.
Kocciu shkruan se tashmë që u shqye dryni i të ashtuquajturit “sekret hetimor”, publiku mësoi që prokuroria shqiptare është shndërruar në rojen e heshtur të krimit zgjedhor.
Postimi i Mishel Koçiu
Krimi elektoral është NONA!
Sidomos kur ngelet i pandëshkuar. Tashmë që u shqye dryni i të ashtuquajturit “sekret hetimor”, publiku mësoi që prokuroria shqiptare është shndërruar në rojen e heshtur të krimit zgjedhor. Varrosja e provave të pakundërshtueshme, për aq vite sa zgjasin mandatet qeverisëse në Shqipëri, është bashkëpunim i pastër në krim!
Dryni i shqyer i “sekretit hetimor” është njëherësh çelësi i shpjegimit se pse opozita braktisi farsën parlamentare.
Maskat ranë! Fasada demokratike e piktorit të pallateve doli në zgjyrën e vet!