Një shkrim i Euractiv, një media e afërt me Bashkimin Europian bën një analizë të shanseve për hapjen e negociatave për Shqipërinë dhe Maqedoninë e Veriut. Fqinji lindor i Shqipërisë duket se është në pozitë më të mirë dhe pret shtatorin për të marrë Po-në. E kundërta mund të thuhet për Shqipërinë duke qenë se gjermanët nuk janë gati dhe holandezët janë kundra. Pa përmendur Francën.
Pjesë nga shkrimi i Euractiv:
Ndërkohë, është krijuar një konsensus për dhënien e “po-së për hapjen e negociatave” me Maqedoninë e Veriut, ndërsa Shqipëria po lufton për të arritur unaninmitetin e kërkuar midis 28 vendeve anëtare, thanë burimet. Shkupi po përgëzohet në veçanti për arritjen e një marrëveshjeje historike me Greqinë në emër të saj, një çështje që ka bllokuar progresin me vite të tëra.
Një diplomat tha se në shumica e vendeve janë në favor për rezultatin pozitiv (deri në 15 qeveri), vetëm Italia këmbëngul në mbajtjen e perspektivave të anëtarësimit për dy kandidatëve të Ballkanit së bashku.
Ndarja e të dyjave më e mundshme, pasi disa nga skeptikët më të mëdhenj rreth zgjerimit janë gati të japin bekimin e tyre në Maqedoninë e Veriut, veçanërisht Holanda dhe Gjermania.Mërkurën e kaluar, parlamenti holandez miratoi një rezolutë tepër kritike për Shqipërinë, në veçanti për korrupsionin dhe krimin e organizuar. Por ata nuk ngritën asnjë shqetësim për Maqedoninë e Veriut.
Me këtë sfond, një diplomat i BE kishte përshtypjen se Haga nuk do të refuzonte hapjen e bisedimeve të pranimit me Maqedoninë e Veriut kur çështja u diskutua nga ambasadorët e BE javën e kaluar.
Diskutimi i ambasadorëve ishte “i gjatë dhe i vështirë”, tha një diplomat tjetër, por Shqipëria mbeti me një “jo” për qeverinë holandeze, shtoi burimi.
Johann Wadephul, një deputet i CDU në Bundestag, u citua në një gazetë maqedonase duke pohuar se grupi i tij mund të miratonte bisedimet me Maqedoninë e Veriut deri në fund të shtatorit.Vetëm Franca, kundërshtari tjetër i madh, ende po shqyrton pozicionin e saj. Një diplomat francez tha se po “reflektojnë” nëse do të ndjekin qëndrimin e qeverisë holandeze me Maqedoninë e Veriut.
Në rastin e Shqipërisë, hapja e procesit është “e parakohshme”, shtoi burimi.
Por Holanda tha gjatë diskutimeve përgatitore, se BE duhet të japë prioritet kredibilitetin e vetë procesit dhe metodologjisë dhe theksoi se ajo nuk duhet të marrë vendime për zgjerimin bazuar në arsyetimin gjeopolitik, shpjegoi një diplomat.Një tjetër diplomat shtoi se ekzistonte një “konsensus i gjerë” rreth faktit se metodologjia ishte “jo ideale”, veçanërisht në fusha të tilla si sistemi gjyqësor. I njëjti burim shtoi se procesi aktual i zgjerimit është “shumë automatik”. “Duhet të mendohemi për këtë”, tha diplomati.