Një person është gjetur i pajetë në bregdetin e Vlorës këtë të hënë. Sipas informacioneve parapake, një grua e moshuar është pikasur në ujë nga pushuesit dhe është nxjerrë në breg te plazhi i vjetër, por pa shenja jete.
Dyshimet e para janë se ajo ka pësuar atak kardiak në det.
“Rreth orës 08:40, në zonën bregdetare të quajtur ‘Plazhi i Vjetër’ Vlorë, 70-vjeçarja Sh.B., dyshohet se ka pësuar infarkt dhe ka humbur jetën në plazh. grupi hetimor ka shkuar në vendin e ngjarjes dhe pas këqyrjes paraprake gjithashtu në prani të mjekut ligjorë dyshohet se Sh.B, ka pësuar infarkt kardiak sapo është futur në ujë disa m larg bregdetit. Po punohet për sqarimin e rrethanave të ngjarjes”, njoftoi Policia.