KQZ ka nisur zhvendosjen e KZAZ-ve pas kërkesave të kryebashkiakëve të opozitës për lirimin e institucioneve që janë në varësitë e tyre.
Kështu, KZAZ në Kukës, e cila ishte vendosur te pallati i kulturës “Hasan Prishtina” është zhvendosur te palestra e shkollës “Havzi Nela”.
Boldnews.al ka kontaktuar kreun e degës së PD në Kukës, i cili ka konfirmuar zhvendosjen e KZAZ-së.
Në këtë mënyrë duket se KQZ ka nisur të marrë masat duke larguar KZAZ nga institucionet që janë në varësi të bashkive të opozitës, të cilat njohin dekretin e Presidentit Ilir Meta, për anullimin e zgjedhjeve të 30 qershorit.
Ndërkohë, drejtuesit e degëve të partive opozitare në Kukës, janë dakordësuar për Aleancën Qytetare për Mbrojtjen e Demokracisë.
Arif Rexhmata, kryetar i PD-së në Kukës, deklaron se nuk do të ketë asnjë hap pas për mbrojtjen e demokracisë.