Vrasja e administratorit të njësisë Kote, gjykata lë në burg të arrestuarit

Gjykata e Vlorës ka caktuar masën e sigurisë arrest me burg për tre të rinjtë, Arif, Namik dhe Jaçe Bejtjan, lidhur me vrasjen e administratorit të njësisë Kote, Argjir Gjokaj.

Dy nga të arrestuarit, pikërisht, Namik dhe Jaçe Bejt deklaruan para trupit gjykues se kishin mbërritur në vendngjarje pasi vrasja kishte ndodhur.

Ngjarja ndodhi të martën rreth orës 14:20, në fshatin Petë të Selenicës, ku pas një konflikti me armë zjarri midis disa personave, u plagosën Arif Bejtja, 19 vjeç dhe Argjir Gjokaj, 51 vjeç, ku si pasojë ky i fundit ka humbur jetën në Spitalin e Vlorës.

LEXO EDHE  Grabitja e Rinasit/ Ku ndodhen të shpallurit në kërkim? Zbardhen të dhënat e policisë

“Këta shtetas në bashkëpunim me njëri-tjetrin për motive të dobëta kanë tentuar të vrasin me armë zjarri tip pistoletë dy vëllezërit F O. dhe A. O., (70 dhe 65 vjeç), por pas ndërhyrjes për të shuar konfliktin humbi jetën Kryetari i Njësisë Administrative Kotë, Argjir Gjokaj“, njoftoi policia.