8 autobuzë që udhëtonin nga Shqipëria nëpërmjet Kosovës, janë ndaluar në pikën kufitare të Morinës. Ndalimi është bërë me urdhër të Ministrisë së Transporteve në Kosovë.
Sipas palës kosovare autobuzët nuk plotësojnë kushtet teknike. Autobuzët i përkasin linjës Tiranë-Bajram-Curri dhe u ndaluan në orët e para të mëngjesit. Drejtuesit e autobuzëve janë shprehur se bllokimi është i qëllimshëm, për të mos i lejuar të udhëtojnë nga Kosova.
“Kërkojmë të na lejonë të kalojmë, në të kundërt do bllokojmë rrugën. Nuk kemi patur asnjëherë penalitete për kushtet teknike. Kërkojmë të zbatohet marrëveshja mes dy vendeve”, – u shpreh një prej shoferëve të autobuzëve
Ndërkohë autoritetet kosovare kanë shpejguar se autobuzët nuk kanë kushtet e duhura teknike. Autobuzët kalojnë nga Kosova, pas një marrëveshje mes dy vendeve.
