‘Bomba’ nga opozita: Së shpejti, përgjime më të rënda se ato të BILD!

Nënkryetarja e LSI-së, Erisa Xhixho, tha se së shpejti do të ketë publikime të tjera të përgjimeve shumë më të rënda se ato të publikuara nga BILD. Duke folur për emisionin “Politika Online” në Ballkanëeb, Xhixho tha se përmes këtyre përgjigmeve faktohet akoma më shumë lidhja e mazhorancës dhe deformimi i zgjedhjeve pararendëse.

Sipas Xhixhos organet e qeverisjes vendore që drejtohen nga të zgjedhurit e PS do të përballen me pasojat e ligjit nëse nuk zbatojnë dekretin e Presidentit Meta në lidhje me anulimin e zgjedhjeve.

Nënkryetarja e LSI-së e ka cilësuar ilegjitim Kuvendin, për shkak se përbërja e tij nuk i plotëson 140 deputetë, pasi janë shterruar listat e PD-së dhe LSI-së.

LEXO EDHE  “Operacioni i paprecedentë”/ Zbardhet plani i PD për rikuperimin e parave publike të vjedhura

Xhixho tha se nëse do të ketë zgjedhje të njëanshme nga Kryeministri Rama, do të ketë një padi kundër Shqipërisë nga qytetarët shqiptarë në Gjykatën Europiane të të Drejtave të Njeriut për cenim të protokollit 1 neni 3 që sanksionon se e drejta e zgjedhjes, parashikon mundësinë për ta pasur të paktën dy alternativa, pasi vetëm në këtë mënyrë mund të krijohet ndikim në vendimarrje.