Bashkitë që drejtohen nga opozita kanë nisur zbatimin e dekretit të Presidentit Ilir Meta që rrëzoi 30 qershorin, si datën e zhvillimit të zgjedhjeve lokale.
Bashkitë kërkojnë nga Komisionet e Administrimit Zonal të Zgjedhjeve lirimin e të gjitha ambienteve në funksion të procesit zgjedhor.
Shkresat zyrtare, që mbajnë firmat e kryebashkiakëve të opozitës (PD e LSI), u janë dërguar për dijeni edhe KQZ-së, prefektëve të qarqeve përkatës, Ministrit të Brendshëm, Kryeministrit dhe Presidentit.
Presidenti Meta duke ju referuar KQZ, paralajmëroi sot se çdo institucion që refuzon zbatimin e dekretit të Presidentit do të përballet me pasoja ligjore. /bn/
