Pas Kukësit, është Bashkia Mat që nis zbatimin e dekretit të Presidentit Ilir Meta që rrëzoi 30 qershorin, si datën e zhvillimit të zgjedhjeve lokale.
Në një kërkesë dërguar sot Komisionit të Zonës së Administrimit Zgjedhor nr 16 Mat, që mban firmën e kryebahskiakut Nezir Rizvani, kërkohet “lirimin i menjëhershëm i ambienteve të Pallatit të Sportit ‘Ferrit Hysa’ në Burrel”.
“Komisioni i Zonës së Administrimit të Zgjedhjeve nr 16, të ndërpresë të gjitha veprimet për afishimin e listave të zgjedhësve në të gjitha ambientet e shkollave të cilat janë në pronësi të Bashkisë Mat”, thuhet më tej në kërkesë dërguar për dijeni edhe KQZ-së, prefektit të Qarkut Dibër, Ministrit të Brendshëm, Kryeministrit dhe Presidentit. /bn/
