Nuk kanë fund arrestimet pas mega-operacionit të zhvilluar ditën e sotme në qytetin e Elbasanit. Pas kontrollit që iu bë resortit të familjes Çapja dhe arrestimit të Ardian dhe Florenc Capjajt, ka përfunduar gjithashtu në pranga edhe shtetasja E.Çapja. Burime bëjnë me dije se ajo është bashkëshortja e Ardian Çapjajt.
Gjatë hetimit të fisit Çapja është zbuluar skema e korrupsionit me anëtarë të bordit të AMA-s, kështu që në pranga kanë rënë edhe dy persona me profesion gazetarë. Këta të fundit, akuzohen për favorizim të dhënies së një licence kabllori kundrejt fisit Çapja në Elbasan.
