A do të zhvillohen zgjedhjet lokale në tetor? Kjo është një nga hipotezat që ka qarkulluar së fundmi. Lidhur me këtë datë është pyetur gjatë konferencës me gazetarët këshilltari ligjor i Presidentit Ilir Meta, Bledar Dervishaj, i cili në përgjigjen e tij anashkaloi pyetjen.
Një tjetër teori që po qarkullon është ajo e shpërndarjes së mundshme të parlamentitit nga Presidenti Meta. A do ta bëjë kreu i shtetit një lëvizje të tillë? Edhe kësaj pyetjeje gjatë konferencës, Dervishaj nuk i dha përgjigje.
“Jemi në proces reflektimi, çdokush nga palët duhet të tregoje maturi për të hyrë në proces dialogu”, tha Dervishaj.
Lidhur me datën e re të zgjedhjeve, Devrishaj u shpreh se do të merret në përputhje me Kushtetutën.
Ai sqaroi se dekreti i Presidentit mund të gjykohet vetëm nga Gjykata Kushtetuese dhe jo ajo Administrative, siç pretendohet nga PS. /BN/
