Deputetja Rudina Hajdari u shpreh e bindur se zgjedhjet lokale nuk do të shtyhen më shumë se një muaj.
“Muajin tjerët do keni zgjedhje”, tha ajo nga foltorja e parlamentit, duke aluduar se krerët e partive të mëdha do të bëjnë marrëveshje mes tyre për të përfituar pushtet. Ajo u bëri thirrje qytetarëve të mos i votojnë.
Lidhur me dekretetin e Metës që shtyu 30 qershorin si datë e zgjedhjeve lokale, Hajdari tha se “gjykimin për vendimin e merr vetëm Gjykata Kushtetuese”.
“Ne vetëm mund të konstatojmë si Kuvend”, shtoi, duke akuzuar Metën se mori një vendim me përfitime personale që i shërben bashkëshortes së tij në krye të LSI-së. “Zgjedhjet do të shtyhen me një muaj, pra muajin tjetër do kemi zgjedhje. Por, a ja vlejti barra qiranë, a ja vlejti që opozita dogji mandatet, bllokimi i Reformës në Drejtësi? absolutisht jo. Kjo bëhet që ata të tre të ulen me njëri-tjetrin dhe të bëjnë një konsensus për zgjatjen e pushtetit të tyre”, tha Hajdari.
“Sipas nenit 90 pika 2, mocioni pëo shkarkimin vjen me një të katërtat e Kuvendit- 35 deputetë që firmosin dhe i depozitohet kryetarit të Kuvedit që ka për detyrë të hapë një komisioni hetimor që verifikon, konstaton mbi veprimin e presidentit, ai edhe ka për detyrë të dëgjojë presidentin dhe ky komisionin të përpilojë një raport që mund të diskutohet në parlament dhe ti depozitohet Gjykatës Kushtetuese. Fakti që se kemi është një fatkeqësi e madhe. Ky është thelbi që shqiptarët po shikojnë një tragjedi që na merr zvarrë të gjithëve. Gjykata Kushtetuese është organi i vetëm që konstaton këtë shkelje. Por është detyra ime të të them pse më vë në pikëpyetje veprimet e tij”, u shpreh Hajdari.
“Pikëpyetjet i ngre për 3 arsye. Pse mendon se presidenti e zgjidh krizën, nëse thotë se ka bërë veprim patriotik, nëse thotë se është bërë se zgjidh krizën, më thoni ju, nëse palët s’ulen bashkë dhe s’arrihet në një datë tjetër a nuk e fusim vendim në një tjetër krizë? Më falni zoti president, nëse gruaja juaj është palë e opozitës dhe kjo palë ka ngritur këtë padi, është bërë palë e këtij konflikti, nuk është ky konflikt i pastër? A nuk ishte Meta në konflikt interesi kur e zgjodhi gruan kryetare të LSI? A nuk duhej atëherë një mocion? Mazhoranca bëri marrëveshje për të zgjatur pushtetin se nuk i intereson çfarë ndodh me Shqipërinë”, shtoi. /bn/
