Sot, Kuvendi miratoi me 100 vota pro, 7 kundër dhe 2 abstenim, rezolutën kundër dekretit të Presidentit Ilir Meta për zgjedhjet lokale të 30 qershorit. Një ndër 100 deputetët që kanë votuar pro kësaj rezolute është edhe Halit Valteri, i dalë nga lista e Partisë Demokratike.
Në një video të publikuar nga Dosja.al para votimit të rezolutës në Kuvend, shihet Valteri teksa bisedon për disa çaste me kryetarin e Grupit Parlamentar të Partisë Socialiste, Taulant Balla, e më pas largohet nga salla e Kuvendit.
Valteri kthet në momentin e votimit dhe vota e tij shkoi kundër Presidentit Ilir Meta.
Nuk dihet se çfarë ka biseduar Balla me deputetin Valteri, por ajo që mund të themi është se pas këtij momenti, rezoluta kundër dekretit të Presidentit kaloi me 100 vota, mes tyre edhe atë të deputetit në fjalë.
