Kryeministri Edi Rama i bëri thirrje Presidentit Ilir Meta nga Prrenjasi, që të lexojë rezolutën e miratuar sot nga Kuvendi.
“Dua ti them Ilirit, sot e filluam me të po e vijojmë me të, që ta lexojë me qetësi dhe kthejlltësi rezolutën e miratuar me 100 vota. Të reflektojë mbi opinionin e Kuvendit dhe të mos e trashë më tutje zullumin ky është futur, pasi ne dhe populli nuk ka shans të merren peng. E di që ai është në pozitë të vështirë, por nuk është burrëri që të mos reflektojë dhe të kërkojë ndjesë. Pavarësisht se nuk ka bërë një gabim, por një faj, sidoqoftë normalizon raportin e tij me fajin. Halla Sali nuk ndihmon dhe ngarkon edhe më shumë atë vetë edhe një situatë që e kanë shkaktuar ata me qëllim, por ne do të dalim pa vështirësi” tha Rama.
Kryeministri sulmoi kreun e shtetit për shtyrjen e zgjedhjeve edhe gjatë seancës plenare. Më pas, në një konferencë për mediat, këshilltari Ligjor i Presidentit të Republikës, Bledar Dervishaj, tha se në vend të diskutimeve mbi argumentet ligjore, Kushtetuese dhe llogjikës lidhur me çdekretimin e zgjedhjeve më 30 qershor, u lëshuan akuza, sulme dhe retorikë politike ndaj Presidentit Ilir Meta.