Erjon Veliaj, kryebashkiaku i Tiranës, i është bashkuar korrit të sulmeve ndaj Presidentit Ilir Meta, lidhur me anullimin e zgjedhjeve më 30 qershor.
Kreu i Shtetit prej dy ditësh ka nisur konsultimet me partitë politike lidhur me një datë të re për zhvillimin e zgjedhjeve.
Por Erjon Veliaj shprehet se Meta ka thirrur në konsulta parti që kanë vetëm vulat.
“U munduan ata të shkretët të bëjnë sikur konsultojnë partitë, edhe çfarë partish, partinë e Koços, që s’ka as deputet dhe as këshilltar, parti vulë humbura, pemëthyera që nuk kanë asnjë mandat të fituar me logon e tyre. Po konsultohen?!”, tha Veliaj.
