Etilda Gjonaj, ministre e Drejtësisë, tha se zgjedhjet do të mbahen ashtu sikundër i ka dekretuar Presidenti Ilir Meta, si dhe brenda periudhës zgjedhore që përcakton Kodi Zgjedhor.
Në këtë mënyrë ministrja e Ramës i ka qëndruar linjës qeveritare për të mos pranuar anullimin e 30 qershorit si datën kur do zhvillohen zgjedhjet.
“Presidenti ndërmorri një akt administrativ, që do të thotë se interpretimin e bëjnë institucionet administrative.
Presidenti nuk ka kompetencë të shfuqizojë një dekret, Kushtetuta i jep të drejtën vetëm të nxjerrë dekretin.
Sipas nenit 110 të Kodit të Procedurës Administrative, dhe sipas vendimit të Gjykatës Kushtetuese, ky dekret është një akt administrative dhe është KQZ që e ka nxjerrë të pavlefshëm me 4 vota, aq sa e përcakton Kodi Zgjedhor”, tha Gjonaj.
