Kryeministri Edi Rama ishte sot në Divjakë ku prezantoi kandidatin për kryebashkiak të Partisë Socialiste, duke vijuar në këtë mënyrë fushatën për zgjedhjet e 30 qershorit, edhe pse Presidenti Ilir Meta ka çdekretuar këtë datë për mbajtjen e zgjedhjeve.
Rama tha se që zgjedhjet do të bëhen më 30 qershor kjo nuk diskutohet.
“Në 30 qershor do të mësohet njëherë e mirë se çfarë është bërë me socialistët në kohën e shkuar nuk do të përsëritet më.
Pas 30 qershorit do të jemi në një Shqipëri tjetër, ku politikanët do t’i nënshtrohen rregullave njëlloj si qytetarët.
Nuk përballen dot me ne në zgjedhje, kanë frikë nga gjykimi i njerëzve dhe të maten me ne duke bërë atë që politika duhet të bëjë dhe jo duke sharë dhe shpifur dhe kërcënuar.
Frika nga zgjedhjet dhe tmerri nga reforma në drejtësi dhe paniku ka bërë që të kthehen në një front kundër celjes së negociatave. Nesër do të flasim më shumë, por akti i fundit i Metës e ka zbardhur plotësisht planin dhe na ka dhënë të kuptojmë se ku fle tamam lepuri. Sigurisht që ne kemi bërë shumë por në asnjë mënyrë sa do të donim”, tha Rama.