Në mbledhjen e ditës së sotme të KQZ-së u vu re prania e disa punonjësve të Gardës së Republikës, të cilët kanë marrë në mbrojtje katër anëtarët e mbetur, Denar Biba, Bledar Skënderi, Edlira Jorgaqi dhe Rezarta Bitri, pasi kryetari i këtij institucioni, Klemenet Zguri ka bojkotuar mbledhjet.
Përmes një postimi në Facebook, në lidhje me këtë ngjarje ka reaguar dhe nënkryetari i LSI-së, Petrit Vasili i cili i ka cilësuar ato si puçistë që kanë shkelur Kushtetutën duke refuzuar dekretin e presidentit Meta për shfuqizimin e zgjedhjeve të 30 qershorit.
Sipas Vasilit, kërcënimi i vetëm këtyre anëtarëve ju vjen nga ligji, të cilin e kanë shkelur dhe dhunuar në emër të rilindjes me urdhër të saj.
Postimi i plotë:
“Ai i mbrojne dot bodyguardet anetaret e rilindjes ne KQZ nga pergjegjesia para ligjit ???
Anetaret e rilindjes ne KQZ kane tani nga pas bodyguarde,qe jua ka vene qeveria.
Keta anetare jane thjesht puçiste,qe kane shkelur kushtetuten dhe ligjin duke refuzuar dekretin e presidentit.
Kercenimi i vetem ketyre anetareve te KQZ, ju vjen nga ligji, te cilin e kane shkelur dhe dhunuar ne emer te rilindjes dhe me urdher te saj.
A i mbrojne dot bodyguardet keta anetare te KQZ nga pergjegjesia shume e rende e shkeljes se ligjit?
A vlejne pistoletat dhe muskujt e bodyguardeve per ti mbrojtur keta anetare te KQZ nga dita shume e afert e gjykimit per dhunimin,qe ata i bene ligjit.
E kane kot fare keta te KQZ qe behen gazi i botes me bodyguarde nga prapa.
Gjithshka kane bere e bejne ne menyre skandaloze, duke shkelur ligjin per hesap te rilindjes dhe kunder popullit eshte mbajtur shenim dhe pergjegjesia e secilit perpara ligjit eshte e do te jete individuale dhe e pashmagshme…!!” – shkruan Vasili në Facebook.
KQZ vendosi të mos njohë dekretin e Ilir Metës për shfuqizimin e datës së zgjedhjeve, ajo vijon punën normalisht me katër anëtarët e mbetur.