Një koncert bamirësie në ndihmë të Omeldës, një vajze të re të diagnostikuar me një sëmundje të rëndë, e cila kërkon mjekin të menjëhershëm, është anulluar sot në Tiranë për shkak të festës së organizuar nga socialistët me rastin e 28 vjetorit të ndryshimit të emrit të partisë së tyre.
Koncerti do të zhvillohej në orën 20:00 te Amfiteatri te Liqeni i Tiranës, atje ku socialistët në orën 18:30 nisën festimet për partinë e tyre.
Në fakt të gjitha organizimet për festimet e Rilindjes, thuhet se janë bërë nga Erjon Veliaj dhe stafi i tij, ndërkohë që Edi Rama as nuk ka marrë pjesë dhe ka zgjedhur të jetë me Erjon Braçen në Lushnje, ku ka prezantuar disa prej kandidatëve për kryebashkiakë.
Ndërkohë koncerti i bamirësisë ishte një nismë e të rinjve dhe të rejave që nisën një fushatë bamirëse për mbledhjen e të hollave që duhen për një kurim të specializuar jashtë vendit të Omeldës.
Këngëtarë të njohur si Aurela Gace, Gjergj Kacinari etj, kishin njoftuar pjesëmarrjen në koncertin që do të mbahej në orën 20:00.
