Zërat që çojnë Ilir Dajën te Skënderbeu sa vijnë e bëhen më të fortë. Trajneri dhe klubi vijojnë të kenë kontakte, çka dëshmon se vullneti për të rinisur bashkëpunimin është dypalësh. Por, pa u bërë zyrtarizimi, ka gjithnjë vend për dilema.
Tekniku kryeqytetas ndodhet në Kroaci me pushime aktualisht dhe gjasat janë që me kthimin në Shqipëri të ketë edhe zhvillime. Ende nuk dihet se kur mund të takohen palët, por brenda javës së ardhshme diçka mund të ndodhë.
Duhet thënë që 52-vjeçari është i lirë në treg, pasi i ka mbaruar edhe kontrata me Flamurtarin. Por, që të arrijë një akord me drejtuesit bardhekuq, fillimisht duhet të mbyllë llogaritë me klubin vlonjat.
