Denar Biba, nënkryetar i KQZ-së, morri flamurin një ditë më parë, bashkë me 3 anëtarët e tjerë socialisë të KQZ-së, për të rrëzuar dekretin e Presidentit për anullimin e zgjedhjeve lokale më 30 qershor.
Biba, një ditë më parë thirri dhe drejtoi një mbledhje të KQZ-së, ku për herë të parë një institucion jo kushtetues, merr guximin për të rrëzuar një dekret presidencial apo deklaron mosnjohjen e tij, në një kohë që i përket Gjykatës Kushtetuese.
E ndërsa sot Biba sillet si një kamikaz i Ramës për të vetmen arsye mbajtjen e zgjedhjeve më 30 qershor, në 2007 kur ishte këshilltar pranë Gjykatës Kushtetuese, mbante qëndrime krejt të tjera ndaj presidentit.
Në atë kohë Biba shkruante se “Presidenti është një organ individual i cili mund të veprojë sipas bindjes së tij pa u varur nga politika. Duke qenë se zgjidhet nga një shumicë shumë e madhe parlamentare, presidenti vendoset mbi të gjitha palet. Megjithëse nuk ka asnjë funksion themelor shtetëror (p.sh të drejtimit politik, administrativ apo ligjor), Kushtetuta i mundëson atij të nderhyje në të tre këto funksione përmes atributesh që i mundësojnë të mos jetë thjesht një “noter” apo “drejtues ceremonish”.
Akoma më tej, në situata krizash politike apo të jashtezakonshme, pushteti i tij rritet thelbësisht, pasi Presidenti merr pushtet vendimmarrës, në zëvendësim të organeve të tjera kushtetuese, për të ruajtur “unitetin e popullit”. Pikërisht për këtë ai gjykohet se duhet të jetë “neutral” dhe i “paanshëm” ndërsa ushtron funksionin e tij kryesor të garantimit dhe kontrollit të organeve kushtetuese me synim ekuilibrimin e sistemit.
Presidenti është garanti më i larte i Kushtetutës (natyrisht jo roja e saj – ky funksion i takon Gjykatës Kushtetuese), një organ i pavarur që ndërhyn gjithmonë në interes të vendit. Ai është kryetari i res publica dhe jo një lider politik demokracie”.
