Partia Demokratike do të mbledhë në orën 18:00 të pasdites Këshillin Kombëtar dhe Kolegjin e Kryetarëve.
Në mbledhje do diskutohet vendimi i Kryesisë së PD-së për krijimin e Aleancës Qytetare për Mbrojtjen e Demokracisë.
Kjo Aleancë do të krijohet ne 61 bashkitë si bashkim qytetar dhe intelektual, që do të ndërgjegjësojë qytetarët për rrezikun që sipas PD-së po i kanoset demokracisë në vend dhe marrjen e të gjitha masave për të mbrojtur rendin demokratik dhe kushtetues.
Kryetari i PD-së, Lulzim Basha u shpreh në një konferencë për mediat një ditë më parë se zgjedhjet nuk do të zhvillohen më 30 qershor, dhe se Presidenti Ilir Meta nuk do të shkarkohet. Ndërkohë, PS ka nisur procedurat për shkarkimin e Metës edhe pse në fakt, shkarkimi i Presidentit është i pamundur ligjërisht, për shkak të mungesës së Gjykatës Kushtetuese.
