Kreu i opozitës, Lulzim Basha, në një dalje para mediave deklaroi, se ai respekton vendimin e presidentit për shtyrjen e zgjedhjeve.
Ndërsa theksoi se ai, PD dhe qytetarët do të futen në zgjedhje, jo para se të ikë Rama dhe para se bandat e krimit të dalin para drejtësisë.
Zgjedhjet nuk kanë për tu bërë përpara se të largohet Edi Rama, jo përpara se Vangjush Dako dhe kriminelët e Rilindjes të dalin para drejtësie. Përpjekjet e mia nuk janë për pazare, por është për lirinë e votës.
Ajo që unë dhe bashkë me mua edhe shqiptarët kërkojnë standardin minimal që është e drejta për të vendosur se kush do të qeverisë. Unë nuk do të pushoj së luftuari deri sa kjo të arrihet. Nuk do të bëj asnjë kompromis me askënd deri sa kjo të arrihet. E di që për shumë qytetarë kjo është e lodhshme, por dua tu them se e gjitha kjo bëhet për një të ardhme më të mirë.
