Ministrja e Mbrojtjes Olta Xhaçka, gjatë fjalës së saj në takimin elektoral në Dibër, është shprehur se, ky qytet do të transformohet totalisht.
Sipas saj, qeveria dhe Edi Rama do të ndërtojë Rrugën e Arbrit, duke sjellë lehtësi për banorët vendas.
“Në 30 qershor fillon transformimi për Dibrën, Bulqizën dhe gjitha bashkitë në të gjithë vendin. Dibranët nuk do të zgjedhin modelin e shkatërrimit”, tha ndër të tjera Xhaçka në fjalën e saj.
Por deklaratave të ministres dhe drejtueses politike të PS për qarkun e Dibrës, i ka kthyer përgjigje nënkryetarja e Bashkisë së Matit, Anjeza Shema.
Përmes një reagimi në rrjetet sociale, Shema shprehet se, ministrja Xhaçka mund të gënjejë veten, por jo matjanët.
Statusi i Anjeza Shemës:
Zonja ministre,
Sa bukur e keni thënë…Bashkitë që u drejtuan nga e majta u investuan nga qeveria ndryshe nga ato që u drejtuan nga e djathta…
Na thoni pak ju lutem zonjë,kujt i thoni bashkëpunim? T’i thonim kryeministrit “Skënder Beu”?
Se në fakt janë shumë projekte aty zonjë që janë në mëshirën tuaj duke aplikuar e riaplikuar që ju t’i investoni….dhe ju garantojmë që janë projekte vizionare dhe shumë të rëndësishme për Qytetin dhe Njësitë e Matit. Po nuk keni dijeni ju me të drejtë në fakt se nuk ju ka interesuar bashkëpunimi për qytetarët,ju ka interesuar bashkëpunimi i llogaritjes ku marrim vota e ku mashtrojmë më mirë.Këtë bashkëpunim në fakt nuk j’ua ofrojmë dot as ne,as Matjanët.
Po ju të paktën hidhnit disa kacidhe në rrugën kryesore për të ardhur në Mat… Nëse nuk ke dijeni ska nevojë për bashkëpunimin me Bashkinë,e keni ju zonjë.
Të paktën Kryeministri sdo detyrohej të hypte në helikopter se qytetarët e shkretë vetëm kur ka ndonje rast emergjent rrezik jete për spital e kanë rastin të shohin helikopterin se në ditët normale tunden e shkunden në rrugët e juaja..
Zonja ministre! Ju mund të gënjeni veten, por Matjanët jo…
Ps: Do ti shpalosim projektet këtu në ditët në vazhdim dhe aplikimin e tyre në qeverinë tuaj dhe ishalla del ndonje nga ju na tregon si bashkëpunohet me ju dhe kryeministrin tuaj se nuk ja dimë “miden” ne atij…
Kot për kuriozitet se kryeministër sdo të jetë më….
Dhe mos harroni! Nuk ka zgjedhje më 30 qershor.
