Mosfunksionimi i Gjykatës Kushtetuese duket se i është kthyer në disavantazh kryeministrit Edi Rama.
E ndërsa mund të jetë ndier komod duke mos pasur një Gjykatë Kushtetuese për të ankimuar ligjet apo vendimet e qeverisë dhe çdo institucioni tjetër, sot Rama po përballet vetë me një situatë të tillë, ku vështirë se mund të dalë.
Presidenti i Republikës ka vendosur të shfuqizojë datën e zgjedhjeve më 30 qershor, ndërsa debate që lind ëshë tërësisht kushtetuese, a bazohet apo jo dekreti i Metës në dokumentin themeltar të shtetit.
Ditën e djeshme nga mazhoranca pati deklarata se Parlamenti duhet të shkarkojë Presidentin. Shkarkimi i Presidentit bvazohet në nenin 90, pika 2 dhe 3 e Kuhtetutës.
Por edhe nëse Rama shkon me vendosmëri drejt kësaj ideje, duhet të jetë Gjykata Kushtetuese që përcakton nëse Presidenti ka shkelur ose jo Kushtetutën.
Pra është Kushtetuesja që përcakton nëse Kuvendi mund ose jo të shkarkojë Presidentin.
Por a mund të ngrihet Gjykata Kushtetuese në javën e ardhshme?
Ish-ministri i Drejtësisë, Ylli Manjani, ka postuar në rrjet nenin 125, ndërsa shkruan “ja dhe përgjigja e pyetjes “a mund të krijohet të hënën Gjykata Kushtetuese”?
Ky është neni 125 i Kushtetutës i miratuar me konsensus në 22 korrik 2016.
Ky është nen i reformës në drejtësi…”.
Në këtë nen përcakohet se 9 anëtarët e Kushtetueses zgjidhen 3 nga Parlamenti, 3 nga Presidenti dhe 3 nga Gjykata e Lartë.
