Presidenti Ilir Meta bëri të ditrur dje rrëzimin e dekretit të tij që përcaktonte datën 30 qershor për zhvillimin e zgjedhjeve lokale.
Qëndrimi i Metës është konsideruar si fitorja e parë nga opozita, e cila tha se kushti për largimin e Edi Ramës si kryeministër është i panegociueshëm.
Ndërkohë kryeministri Edi Rama e ka cilësuar si nul në aspektin ligjor dekretin e ri të Kreut të Shtetit që rrëzon zhvillimin e zgjedhjeve më 30 qershor.
Porn ë një tjetër reagim, zv.ministri i Mbrojtjes Petro Koçi shkruan se Meta është hedhur në aksion për të rilindur 1997. Koçi në vijim shton se ai do të dështojë.
Nga Burreli, rama paralajmëroi shkarkimin e Ilir Metës, ndërsa pritet që gjatë ditës së nesërme, kohë kur Presidenca do të bëjë publike arsyet dhe bazën ligjore për anullimin e dekretit që përcaktonte 30 qershorin si ditën e mbajtjes së zgjedhjeve, mazhoranca të bëjë publike rrugën që do të ndjekë kundër Presidentit.
