Deputetja socialiste Evis Kushi ka reaguar përmes një postimi në rrjet lidhur me vendimin e Presidentit Ilir Meta për të anulluar 30 qershorin si ditën e mbajtjes së zgjedhjeve vendore.
Kushi e cilëson antikushtetues vendimin e Metës, ndërsa shton se është një precedent i rrezikshëm për demokracinë dhe stabilitetin.
“Çfarë do të ndodhte sikur Presidenti të caktonte një datë tjetër (që i pëlqen opozitës) ndërsa ne si shumicë nuk pranojmë dhe deklarojmë që nuk hyjmë në zgjedhje?
Ndryshimi i datës jo vetëm që është antikushtetuese, por kjo do të përbënte një preçedent të rrezikshëm për ligjshmërinë, demokracinë dhe stabilitetin. Prandaj zgjedhjet duhet dhe do të bëhen në 30 qershor”, shkruan ajo.
