Dy ditë më parë, Shpresat e Shqipërisë arritën të merrnin një barazim 2-2 në një ndeshje zyrtare përballë Turqisë. Sot, me një formacion krejt tjetër, arritën të triumfonin 2-1 në një miqësore përballë Uellsit të luajtur në “Selman Stërmasi”.
Dopieta e sulmuesit Armando Broja që aktivizohet në akademinë e Çelsit, i dhuroi fitoren skuadrës së Bushit, ndërkohë që për uellsianët ngushtoi diferencën Pugh në minutën e 80-të. Broja u hodh në fushën e lojës në pjesën e dytë, teksa vetëm 11 minuta i mjaftuan për të gjetur 2 herë rrugën e rrjetës
Edhe pse bëhet fjalë për një ndeshje miqësore, ky rezultat do t’i shërbejë kuqezinjve për të mbajtur lart moralin.
Shqipëri U-21-Uells U-21 2-1
Shënues: Broja 47′, 58’/ Babos 78′
Shqipëria U-21: Hoxha (Harizaj 46′), Kryeziu, Shehji, Ndrecka, Kalaj, Shefiti, Bardhi (L. Vila 89′), Kolaj (Mihana 46′), Sula (Broja), Lleshi, Zeka. Trajner: A.Bushi.
Uellsi U-21: Absalom, Ljuis, Dasilva, Pull, Norrington-Devis, Barton, Herris, Brodhed, Babos, Evans, Kuper. Trajner: Robert Pejxh.
