Një fuoristradë është përfshirë në një aksident të rëndë ditën e djeshme në Gramsh, ndërsa është dashur ndërhyrja e zjarrfikësve për të shpëtuar drejtuesin e mjetit.
Automjeti me tarda SK 145 BA i drejtuar nga shtetasi Riza Pëllumbi ka devijuar nga rruga dhe është rrokullisur në anë të saj. Si pasojë e përplasjes mjeti ka pësuar dëmtime dhe ka bllokuar brenda tij shoferin.
Me gjithë ndihmën e dhënë nga banorë të zonës ka qenë e pamundur që ai të nxirret nga mjeti. Për rastin janë njoftuar zjarrfikësit e Gramshit të cilët kanë mbërritur menjëherë në vendin e aksidentit.
Burimi nga vendngjarja bënë me dije për Infoelbasani.al se ka qenë shefi i këtij reparti Ilir Llapushi që ka udhëhequr ndërhyrjen duke bërë të mundur që shoferi të dalë i gjallë prej andej.
Pasi ka marrë ndihmën e parë në vendngjarje nga, shoferi është dërguar për në spitalin e Gramshit për të marrë ndihmën e nevojshme mjekësore.
Në vendin e ngjarjes ka mbërritur edhe policia e cila ka kryer veprimet proceduriale.
