Sindikata e Pavarur e Arsimit shprehet kundër mënyrës se si do të emërohen mësuesit përmes portalit “Mësues për Shqipërinë”.
Sipas saj Ministria e Arsimit nuk vlerëson eksperiencën dhe kualifikimin e arsimtarëve me përvojë, duke i bërë ata thuajse të barbartë në garë me mësuesit e rij.
Alma Lama: Jam dakord, ai që ka mesatare më të lartë le të pikëzohet më lart por po formimi bazë universitar i këtij mësuesi përse nuk është shprehur?Ka një diferencë të ngushtë pikësh midis mësuesit, i cili është mjeshtër, dhe mësuesit që sapo ka marrë licencën. Unë jam 18 vite në arsim, unë marr 3 pikë dhe një mësues që sapo ka marrë licencën merr 1 pikë. Diferenca është me 2 pikë.
Alma Lama, kryetare e Sindikatës së Pavarur të Arsimit Tiranë, shpreh edhe një shqetësim lidhur me lëvizjet e mësuesve kur një klasë mbyllet.
Alma Lama: Unë mendoj që grupi i punës në Ministri duhet të konsultohej më shumë me Sindikatat. Ne kemi propozuar sesi të evidentohen mësuesit që janë në prag pensioni pesë vitet e fundit, tu jepet mundësi, të ulet norma e tyre me 5 orë mësimore, kjo i shërben dhe cilësisë. Ndërkohë mbajmë dhe mësuesit që janë pjesë e sistemit të ri në mësimdhënie.
Kandidatët për mësues apo ata që duan të ndryshojnë vendin e punës kanë përfunduar fazën e parë, atë të dorëzimit të dosjeve.
Në vijim do t`i nënshtrohen provimit të informatizuar dhe në bazë të pikëve do të bëhet renditja e tyre në portalin “Mësues për Shqipërinë”.
/OraNews.tv
