Një aksident me dy persona të plagosur ka ndodhur pas mesditës së sotme në aksin autostradën Lezhë-Shkodër. Një prej tyre është një e re nga Kosova, e cila është në gjendje më të rëndë shëndetësore.
Sipas një rindërtimi paraprak të ngjarjes nga policia: Në autostraden Lezhë-Shkodër, në vendin e quajtur “Kryqezimi i Blinishtit”, mjeti tip Benz me drejtues shtetasin N.M., banues në Shkodër është përplasur me mjetin motor tip BMW me drejtues shtetasin I.S., banues në Prizren.
Si pasojë e përplasjes, ka marrë dëmtime më të shumta shtetasja S.S., banuese në Prizren, që ndodhej si pasagjere në mjetin motor me drejtues I.S., e cila është transportuar në spitalin Rajonal në Lezhë, ku ndodhet nën kujdesin mjekësor.
Grupi hetimor vazhdon veprimet në vendngjarje për sqarimin e rrethanave të aksidentit, njoftoi policia.
