Kryetarja e LSI-së, Monika Kryemadhi ka dalë nga selia e LSI-së bashkë me zyrtarë të tjerë të kësaj partie për t’iu bashkuar protestës së opozitës.
Kryemadhi u pyet lidhur me vendimin e Presidentit Ilir Meta për të shtyrë datën e zgjojeve lokale.
“Sa keni ndikuar në vendimin e zotit Meta”, u pyet Kryemadhi
“Fare, kur kam ikur për tu operuar kam dy javë pa e takuar. S’kam folur fare”.
Kryemadhi u shpreh se pavarësisht vendimit për zgjedhjet, protestat e opozitës do vijojnë deri në largimin e Edi Ramës nga posti i kryeministrit dhe qeverisë, që e quajti ilegjitime. “S’ka dialog me Ramën dhe qeverinë e tij ilegjitime”, u shpreh ajo.
E pyetur për deklaratat e Ramës pas vendimit të Metës, Kryemadhi tha:
“Se çfarë thotë Rama nuk kam kohë të harxhoj. Mendoj sot ne jemi këtu për të thënë që shumica e shqiptarëve pa dallim bindje janë kundra politikave të tij diskriminuese. Ta harroj politikën, si kërcënon dot shqiptarët. I them Rams prindi për fëmijën e tij sakrifikon dhe jetën. Kalvari i sukseseve të tij ka mbaruar”.
“Për mua s’ka rëndësi bëhen apo s’bëhen zgjedhjet, për mua ka një qëllim: ky kryeministër duhet të iki. Listat e PS janë lista me bekimin e grupeve kriminale”, shtoi ajo. /bn/
