Këngëtari amerikan, Dr John, fitues i çmimit Grammy, ka ndërruar jetë në moshën 77-vjeçare, pasi ka pësuar një sulm në zemër.
Muzikanti i lindur në New Orleans u shua të enjten, sipas një mesazhi të postuar në llogarinë e tij zyrtare në Twitter.
Këngëtari, pjesë e “Hall of Fame” ka kombinuar zhanret e muzikës blues, pop, jazz, boogie woogie dhe rock and roll.
Karriera e tij filloi në fund të viteve 1950, kur ai u bë i njohur si pianist dhe këngëtar në skenën muzikore të New Orleans, përpara se të fitonte njohjen si interpretues solo me nxjerrjen e albumit të tij Gris-Gris në vitin 1968.
Dr John, i cili me sukses luftoi varësinë nga heroina, ndoshta është më i njohur për hitin e tij të vitit 1973, “Vendi i duhur, Koha e gabuar”.
Shfaqjet e tij të gjalla ishin të njohura për atmosferën e karnavaleve me këngëtarin e shfaqur me kostume me ngjyra të ndezura, pupla dhe pendë, duke shpërndarë hare në audiencë.
Ai u bë pjesë e “Hall of Fame” në vitin 2011, nga këngëtari John Legend.
Ai regjistroi rreth 35 albume, dhe tre prej tyre fituan Grammy-n, i fundit ishte “Locked Down” në vitin 2013.
Ai album fliste për drogën, kohën e tij në burg (Dr John mori një dënim dyvjeçar për akuzat e drogës në mesin e viteve ’60) dhe përpjekjet për të riparuar marrëdhëniet e tij me fëmijët e tij.
Ai u martua dy herë dhe i tha “New York Times” se kishte “shumë” fëmijë. /BN/
