Një shqiptar i shpallur në kërkim nga autoritet italiane është vënë në pranga në shtetin fqinjë. Siç raportojnë mediat lokale këtë të premte, në pranga u vu M.Y. 41 vjeç, ndaj të cilit rrëndonte një dënim me 9 vite burgim për përdhunim.
Ai u arrestua nga karabinierët e Sessa Aurunca-s (Caserta), teksa tentoi të arratisej.
41-vjeçari në fakt nuk ia arriti, ndryshe nga dy shqiptarët e tjerë të cilët ishin me të mjet.
Në makinë u gjetën maska dhe mjete që përdoren për vjedhje. Shqiptari ishte në kërkim pas vendimit me 9 vite burgim të dhënë për një episod dhune seksuale në vitin 2002 në Baiano.
