Në vend të përmbushjes së rekomandimeve të vendosura nga KE për hapjen e negociatave, kryeministri Edi Rama po përdor ‘Kosovën’ si levë për të kërcënuar gjermanët për një përgjigje pozitive prej tyre. Kjo është zbuluar nga kryeministri i Maqedonisë së Veriut Zoran Zaev.
Zaev ka folur sot në Bruksel për negociatat me Maqedoninë e Veriut dhe Shqipërinë. Ai tha se Holanda dhe Franca kanë më shumë rezerva për nisjen e negociatave me Shqipërinë, ndërsa shtoi se gjermanët frikësohen nga kërcënimet e palës shqiptare se një vendim negativ mund të ndikojë për jostabilitet në rajon, sidomos në Kosovë.
“Ata mendojnë se nëse i hapin negociatat me Maqedoninë e Veriut dhe lihet jashtë Shqipëria, do të krijohet problem dhe mund të ndikojë tek Kosova. Gjermanët frikësohen nga kërcënimet e mikut tim Edi Rama për ndryshime të mundshme të kufijve ose bashkimit me Kosovën”, citohet Zaev nga mediat në Kosovë.
“Por, ka shtuar shefi i qeverisë së fqinjit lindor të Shqipërisë, unë nuk besoj në këto punë, pasi kjo do të thotë kthim prapa për 10 vjet për Shqipërinë. Ndërsa një gjë të tillë nuk e dëshiron askush”. /Boldnews.al/
