Deputeti Lefter Maliqi kërkon shpërndarjen e parlamentit. Deklarata vjen pas përgjimeve të publikuara nga “BILD”, që treguan se si zyrtarë të lartë të PS-së bashkëpunuan me persona me precedentë të theksuar kriminale për të ndikuar në zgjedhjet parlamentare të 2017-ës.
“Parlamenti duhet të shperndahet. Vendi te kalojë në zgjedhje të parakohshme. Pergjimi i shitblerjeve të votave, nderhyrja e grupeve kriminale tregon se deputetet, drejtoret, kryetaret e Bashkive etj zgjidhen,vendosen dhe emerohen nga krimi. Cdo institucion ka rënë.Jemi në dorë të krimit, paaftëve, servilëve, oligarkëve. Shkaku është sistemi i kalbur elektoral, korrupsioni dhe krimi i organizuar. E ardhmja e vendit eshte ne rrezik, jemi të pasigurt nën kthetrat e krimit”, shprehet Mailiqi.
Deputeti i bën thirrje qytetarëve të protestojnë.
“Shqiptarët të marin në dorë o sot o kurrë fatet e vendit. Protesto fuqishëm kunder krimit të organizuar mos u ndal për drejtësi, per vot të lire, per të ardhmen e sigurt”, shkruan Maliqi në një postim në Facebook.
