Shkrimtari i njohur Kim Mehmeti ka reaguar lidhur me përgjimet e publikuara nga gjermania BILD, ku në të paktën 1 dokument shfaqet Vagjush Dako duke biseduar direkt me Astrit Avdylajn, i cilësuar si kreu i bandës së Shijakut.
Mehmeti thotë se ky popull nuk meriton të ketë drejtues hajdutë, ndërsa shtoi se krimi më i madh që mund t’i bësh një populli, është t’i vrasësh shpresën të rinjve.
“Ky popull nuk meriton të ketë hajdutët drejtues, se ne na ndodhi edhe diçka shumë tragjike. Ne dhe para të huajve kemi lënë përshtypjen që ta kemi frikë të fortin, jo ta çmojmë të mençurin.
Kam frikë se ne do të vijmë deri në atë situatë që do të lemë përshtypjen në botë se ne hajdut e kosiderojmë atë që na vjedh neve dhe ua jep të tjerëve dhe jo atë që vjedh të tjerët e na i jep neve, dmth ne hajdutin tonë e duam.
Krimi më i madh që mund t’i bësh një populli është të vrasësh shpresën e rinisë. Një popull shkatërrohet pa përdorur asnjë plumb vetëm në dy mënyra, nëse o ja ndalon shkollimin o ja shkatërron arsimimin”, tha Mehmeti.
