Pedagogu Edmond Çata ka shkëmbyer disa SMS private me kryeministrin Edi Rama, pas publikimit në Bild të 6 përgjimeve, pjesë e dosjes 339.
Mesazhet janë publikuar nga pedagogu Çata, i cili akuzon kryeministrin se ka vrarë shpresën e qytetarëve, ndërsa i kujton se do të përfundojë më keq se Pinoçeti politik.
Çata, i revoltuar me përgjimet, i shkruan Ramës, se ata që janë shkolluar në SHBA, janë lënë rrugëve pasi nuk ka nevojë për ta, sepse votat ia siguronin Avdulajt.
“Prandaj na le rrugëve ne të shkolluarve në Amerikë o piktor…. dhe nuk kishe nevojë as për politika reale… se ti garantonin 1 Vangush Dako e 10 Avdylaj 1 milion shuplakat: e tua…! Hyyy Sali Berisha me emrin Edi Rama…
Dhe mos u bëj merak… do i sosi vaji kandilit edhe sloganit tënd “nuk jemi më të mirët… por më të mirë se ne nuk ka”!!
Do të ti japin duart amerikanët…. deri sa të vij momenti…. i dhanë duart Pinocetit politik… jo më ty… që as Pinocet ekonomik nuk je… ti ke vrarë shpresën në këtë vend, me gënjeshtrat, injorancën dhe arrogancën tënde…. O Ramë Berisha….”, thuhet në mesazhin e Edmond Çatajt.
Por i ashpër në reagim ka qenë edhe Kryeministri, i cili nuk ka kursyer fyerjet.
“Sa keq! Ngushëllimet e mia për mendjen e lehtë pupël dhe zorrën që paska ngatërruar vrimë”, thekson Rama.
