Peter Tiede, gazetari i cili publikoi përgjimet e dosjes 339 si dhe dy artikuj ku raportohej për kapjen e shtetit të Ramës nga mafia, shprehet se po sulmohet nga kreu i qeverisë shqiptare.
Në një status në Facebook, Tiede shkruan se Rama ka nisur ta sulmojë nëpërmjet RT që transmeton lajme në Gjermani.
“Kokoshka! Edi Rama tani po përhap mesazhe troll nga RT gjermane për mua… propagandë e kremlinit – sa i dëshpëruar duhet të jesh?”, shkruan Tiede.
Që pas publikimit të artikull të parë, ku Teide nxirrte në pah kapjen e shtetit nga krimi, kryeministri Edi Rama e quajti Bild-in një “media bulevardeske” dhe nga rilindja pati akuza se opozita shqiptare kishte paguar për një artikull të tillë. Gazetari gjerman përgënjeshtroi akuzuat dhe disa ditë më parë publikoi “bombën” e dytë: 6 përgjime nga dosja 339 që treguan se si shteti i Ramës vihej nën urdhrat e të arrestuarit për trafik droge dhe të dënuarit për vrasje Asrit Avdylaj, me qëllim ndikimin në votime në favor të PS-së.
Deri më tani, Rama nuk ka komentuar publikimin, megjithatë duket se ka zgjedhur një mënyrë tjetër për të sulmuar Peter Tiede-n. /BN/
Lexo edhe: *Përgjimet e plota/ Ja si Dako komunikonte me Avdylajt, kontrolli mbi institucionet dhe presionet për vota…
*Para se t’a quani ‘kazan’, ja si po i manipulon mafia zgjedhjet në Shqipëri
