Gjykata e Apelit Tiranë ka miratuar vendimin e Shkallës së Parë për caktimin e masës së sigurisë “garanci pasurore” per Ervis Martinajn.
Prokurori i Apelit, Dritan Peka, ka kërkuar ndryshimin e masës “garanci pasurore”, me masën e sigurisë “Arrest në burg”, por treshja gjykuese e përbërë nga Flutura Skënderi, Gramoz Levanaj e Artur Gaxha, e ka vlerësuar të drejtë masën e caktuar nga Gjykata e Shkallës së Parë.
Martinaj u arrestua pas masakrës në ish Bllok, ku pas një përplasje me armë, mbeti i vrarë Fabjan Gaxha dhe u plagosën Eljo Hato, si edhe vetë Ervis Martinaj.
