Kryeministri Edi Rama sot nuk ka reaguar lidhur me 6 përgjimet e publikuara nga gazeta gjermane BILD, ku shfaqej Vangjush Dako duke biseduar me Avdylajt.
Madje nga përgjimet e fundit kuptohet ndikimi që kanë Avdylajt në drejtimin e institucioneve, madje duke i urdhëruar edhe për heqjen e gjobave që ishin vënë në Fermë.
E ndërsa sot Rama ka heshtur dhe Dako ka preferuar t’i cilësoje si çështje mediatike, një javë më parë kryeministri Edi Rama fliste me shumë bindje se zgjedhjet në Durrës as mund të viheshin në dyshim, pse paska dalë një përgjim mes Dakos dhe Niçes.
Madje, Rama bënte edhe historikun e zgjedhjeve të fituara nga Dako, që sipas tij provonin që PS nuk kishte fare nevojë për të bashkëpunuar me element të tillë.
Tashmë, pas publikimit të përgjimeve të fundit nuk dihet nëse Rama i qëndron apo jo deklaratave të 1 jave më parë.
