Nga Boldnews.al
Prestigjiozja gjermane “Bild” ka publikuar përgjimet mes Astrit Avdylajt të grupit të Shijakut dhe Vangjush Dakos. Nga përgjimet tregohet afërsia mes Dakos dhe Avdylajt, madje ky i fundit i thotë kryebashkiakut “të du fort”. Në një moment, Astrit Avdylaj i përmend Dakos emrin e Edi Ramës.
“Astrit Avdylaj, kreu i grupit kriminal të Avdylajve, në qytetin e Shijakut, telefonon Vangjush Dakun, kreun e Bashkisë së qytetit të Durrësit. Në atë kohë Astit Avdylaj ishte duke pritur pranë zyrës së Hipotekave në Durrës në prezencën e Vath Allës, një ish-i dënuar për vrasje,për të cilin duhej të kryhej një ‘porosi’ një detyrim për Allën. Në këtë telefonatë, lidhja mes Avdylat dhe Dakos është mëse e dukshme. Astrit Avdylaj e di që Dako ka qenë deri ditën e djeshme vonë në takim me kryeministrin Edi Rama. Ai më pas i kërkon Dakos të anullojë të gjitha takimet e tij për në Ishëm, për tu siguruar që ‘punën’ që kishin kërkuar Alla ta mbyllnin sa më shpejt tek zyrat e Hipotekave. Këtë detyrë do ta përfundonte një drejtor me emrin Ani, dhe më pas do të takoheshin bashkë Dako dhe i dënuari për vrasje, Vath Alla. Kryebashkiaku Dako bie dakort me kërkesa e Avdylat dhe anullon axhendën e tij për në Ishëm”, sqaron Bild.
Biseda
Astrit Avdylaj; A t’ka zënë gjumi dje, se ke taku Ramën dje, keni nejt jeni knaq.
Dako: Hahaha, ça bëhet?
Avdylaj: Ça bëhet?
Dako: Mirë, mirë…
Avdylaj: Ka je vëllai im?
Dako: Dëgjo
Avdylaj: Hë vëlla…
Dako: Thuji byrazerit unë po iki tani bashkë me çunat e mi për në Ishëm se kam takim tea ta çunat atje.
Avdylaj: Jo mër tashi, do ta lejm icik më vonë se jam ktu me çunat unë (Vath Alla)
Dako: Ku je ti?
Avdylaj: Te Hipoteka tu prit Anin (Ani Dermishi, Drejtor i Hipotekës në Durrës), Ai do vijë ta takojë drejtorin apo ??
Dako: Janë ata Allat, janë aty ato apo?
Avdylaj: Po, edhe Allat janë ktu me mu, e kam ktu përballë direct Live.. përballë në tavolinë me mua, po na dëgjon ai tani.
Dako: Epo mirë takohemi në Durrës atëherë
Avdylaj: Jo, do takohemi atje. E kemi lonë atje takimin, maroi vëllai im. Do takohemi atje nga dreka sesbën, do marojm çik punë me Anin këtu. Po presim Anin dhe do shkojmë te Bashkia vëllai im, edhe po e pres vëllai ktu te Hipoteka.
Dako: Mirë, mirë…
Avdylaj: Haaaajde, tdu fort vëllai im.
