Nje shpërthim i fuqishëm ka ndodhur rreth mesnatës në qytetin e Vlores. Ngjarja ka ndodhur rreth orës 00.15 të natës në zonen pranë stacionit të trenit ndërsa objektiv ka qenë një fabrikë fasonerie që punon veshmbathje.
Shperthimi është kryer me lëndë plasëse të dyshuar tritol ndërsa është vendosur në murin pranë godinës së fabrikes. Si pasojë e shpërthimit janë dëmtuar muret e godines si dhe janë plasaritur muret e pallatit pranë.
Shpërthimi ka qenë i fuqishem aq sa dhoma pranë nga ku ka ndodhi shpërthimi është dëmtuar totalisht. Policia ka shkuar në vendngjarje dhe ka nisur hetimet. Sipas dëshmisë së banoreve kanë qenë dy persona, gjinia mashkull që janë larguar me vrap pas shpërthimit dhe janë futur në brendësi të qytetit. Personat dyshohet të kenë lidhje me ngjarjen.
Policia është vënë në ndjekje të tyre, ndërsa është ndaluar nga blutë njëri prej tyre. Policia e ka shoqëruar në komisariat dhe ka marrë deklaratën e tij. Policia gjithashtu ka sekuestruar kamerat e sigurisë prane zones ku ndodhi shpërthimi.Hetimet, sipas burimeve janë përqendruar në konfliktin që biznesi mund te kete. Kujtojme që fasoneria është në pronësi të një shtetasi të huaj të kombësisë egjiptiane.
