Katër ditë pas tërmetit në Korcë, i cili shkaktoi dëme të shumta materiale në fshatrat përreth qytetit, nga instituti i sizmologjisë, bëjnë të ditur se aktiviteti sizmik në këtë zonë ka ndaluar.
Sizmiologu Edmond Dushi thotë në një intervistë për “Top Channel” se “duke nisur nga dita e hënë, ka një rënie thuajse drastike, dmth ka një aktivitet sizmik shumë të rrallë në frekuencë, por edhe në madhësinë e magnitudës, pra në fortësinë e tyre.
Por, po të shohim deri në datën 3, ka patur çdo 25 minuta një mikrongjarje, e cila ka patur një magnitudë të nivelit 2 të shkalles rihter. Kurse kjo e martë, sipas Dushit karakterizohet nga pothuajse pa mikrotërmete.
Në orët e para të mëngjesit ka patur disa mikrotërmete dhe këto në të njëjtën madhësi. Por rënia e aktivitetit, për sizmiologët nuk përjashton një mundësi të riaktivizimit të zonës.
Sizmiologu Dushi thotë se nisur nga të dhënat e deritanishme ka rënie dhe akticiteti është i stopuar. Por mund të riaktivizohet në një tjetër zonë, sepse këto janë dukuri tektonike natyrore, të cilat nuk mund të parashikohen.
Sizmologu thotë se kjo është një zonë e klasifikuar si zonë sizmiogjene, dhe risjell në vëmendje edhe dy tërmete të mëparshme me një magnitutë të lartë.
Sizmiologët thonë se kjo zonë është e klasifikuar si zone sizmiogjene, pra e aftë të gjenerojë tërmete.
Madje, ai shton se tërmeti i fortë i zonës së Korçës, i fundit ka ndodhur në vitin 1960, i cili ka prekur të gjitha zonat në fjalë, pra të gjithë zonat përreth qytetit të Korçës.Sipas tërmetit të asaj kohe ka pasur dëme të konsiderueshme, sepse magnitude ka qenë 6 ballë.
Por, sërish zona është goditur në vitin 2004 zonën e Barmashit në Ersekë, i cili ka patur një magnitutë 5.4 ballë të shkallës rihter, pra i krahasueshëm me goditjen kryesore të kësaj seri tërmetesh që ndodhi në datën 1 qershor.
Nga tërmeti në zonën e Korçës në 1 qershor, u dëmtuan shumë banesë, ndërsa fshati më i prekur ishte ai Floqit.
